Eftir Eftir Peter-Mikkel Pihl Rasmussen sjá dönsku fréttina á dr.dk hér
.
.
Sjókvíaeldi gæti þurft að uppfylla ný og strangari umhverfismatsskilyrði eftir dóm í Østre Landsret í Danmörku.
.
Þegar bláar öldur hafsins skella á dönskum ströndum geta þær á svæðum þar sem fiskeldi fer fram innihaldið bæði leifar lyfja, mikinn styrk fiskúrgangs og efni sem notuð eru til að meðhöndla net.
Það er ein af ástæðunum fyrir því að Østre Landsret hefur nú staðfest að það hafi verið fullkomlega rétt að Umhverfis- og matvælakærunefndin svipti sjókvíaeldi á Lollandi umhverfisleyfi sínu. Nefndin taldi að umhverfiskröfurnar sem leyfið byggði á væru ekki nægilega strangar og krafðist nýrrar og ítarlegrar vistkerfisrannsóknar.
Danmarks Naturfredningsforening fagnar
Í Danmarks Naturfredningsforening (Dönsku náttúruverndarsamtökin) ríkir mikil ánægja með dóminn. Þar telja menn að yfirvöld geti nú sett ný og harðari skilyrði fyrir sjókvíaeldi í landinu, ef fyrirtækin vilja halda áfram að ala matfisk í dönskum hafsvæðum – jafnvel þótt þau séu nú þegar með öll leyfi í lagi.
– Við erum afar ánægð, því dómurinn staðfestir að framvegis verði aðeins veitt leyfi ef sýnt er fram á með ítarlegum hætti að starfsemin skaði ekki lífríki hafsins, sem er nú þegar undir miklu álagi, segir Maria Reumert Gjerding, forseti Danmarks Naturfredningsforening.
Hún gerir ráð fyrir að fleiri sjókvíaeldi muni neyðast til að hætta starfsemi, þar sem þau geti ekki sýnt fram á að reksturinn samræmist vernduðum hafsvæðum landsins.
Í dag eru 19 sjókvíaeldi í Danmörku, þar af eru nokkur staðsett innan Natura 2000 verndarsvæða.
(Mynd: © Simon Læssøe, Ritzau Scanpix)
Íhuga að áfrýja
Hjá Dansk Akvakultur, sem er hagsmunasamtök sjókvíaeldis, er framkvæmdastjórinn René Christensen ósáttur við dóminn. Hann óttast að hann muni ekki aðeins hafa áhrif á hans atvinnugrein, heldur einnig aðrar greinar sem starfa í náttúrulegu umhverfi.
– Ég er auðvitað nokkuð ósáttur við dóminn. Ef hann stendur, og ég vona að svo verði ekki, gæti það þýtt að einnig þurfi að framkvæma vistkerfisrannsóknir á núverandi vindorkuverum, segir René Christensen.
Hann er nú að íhuga hvort málinu verði áfrýjað.
– Nú þurfum við að fara yfir dóminn og lesa hann vandlega, og svo sjáum við hvort við höldum málinu áfram. Ég geri ráð fyrir að við gerum það, segir René Christensen.
